Добрыя людзі, з Купаллем!

Яркімі фарбамі адлюстроўваўся ў гладзі азёраў “Купальскі фэст”: раённае народнае прайшло ў парку культуры і адпачынку імя Перамогі нашага горада.

Па традыцыі, шостага ліпеня дзеўкі ды хлопцы шукалі чароўную папараць-кветку, варажылі, вадзілі карагоды і... верылі ў цуды. Зрэшты, няўрымслівы і крэатыўны аддзел аматарскай творчасці Палаца культуры г. Маладзечна падрыхтаваў праграму, заснаваную на беларускіх звычаях і абрадах, якая захапіла і дзяцей, і дарослых. Сцэнарыст-рэжысёр з вялікім досведам – Марына Юхневіч.

Самых актыўных удзельнікаў гульняў ды конкурсаў заахвоцілі прызамі. І, безумоўна, усе атрымалі цудоўны настрой, адчуўшы ачышчальны моц купальскага агню.

Персанажаў свята трапна ўвасобілі прадстаўнікі нашай установы – Ганна Рухадзэ, Надзея Бушыла, Анастасія Сівуха, Максім Цярзян, Дар’я Гоман. А Павел Данілаў і Ірына Судніковіч сыгралі Купаліша і Купалінку. “З Купаллем вас, добрыя людзі!” – віншавалі ўсе яны прысутных.

Атмасферу магіі ствараў і ўзорны харэаграфічны ансамбль Палаца культуры “Сонечныя праменьчыкі”. Авацыямі віталі запрошаны нородны калектыў “Вілея казацкая” Вілейскага цэнтра эстэтычнага выхавання і фаер-шоў з Мінска.

Ірына РАБУШКА.

Фота Яўгенія СТЭЛЬМАХА і Ірыны РАБУШКІ. 

Шмат цікавых відэа ў нашых сацыяльных сетках!