Запрашаем 6 ліпеня на народнае свята “Купальскі фэст” у Маладзечне!  

Галоўнае дзейства самага народнага летняга свята разгорнецца з 17.00 на пляцоўцы каля Амфітэатра ў гарадскім парку культуры і адпачынку імя Перамогі. Менавіта тут ажывуць чароўныя купальскія легенды, а гараджане далучацца да традыцыйнага пошуку міфічнай папараць-кветкі з любімымі персанажамі Купалішам і Купалінкай.

Насычаная праграма, напоўненая народнымі традыцыямі, музыкай, гульнямі, зацікавіць і дзяцей, і дарослых. Акрамя таго, увечары будуць працаваць святочны кірмаш і рамесная слабада.  

Бліжэй да 23:00 на востраве 1-га возера жыхары і госці горада збяруцца, каб паназіраць за захапляльным вогненным шоу і запаліць традыцыйнае купальскае вогнішча.  

Прыходзьце ўсёй сям’ёй на “Купальскі фэст”!  

* 17.00 - 23.00 – святочны кірмаш;

* 19.00 - 22.00 – творчая пляцоўка “Рамесная слабада”;

* 19.00 - 20.00 – дзіцячая пазнавальна-гульнёвая праграма “Чамучкі”;

* 20.00 - 21.00 – дзіцячы гульнёвы інтэрактыў “Купальскія забавы”, работа мастацкай фотазоны;

* 21.10 – тэатралізавана-забаўляльная праграма “У пошуках шчасця”;

* 23.00 – фаер-шоу і запальванне вогнішча.  

Дадатковая інфармацыя па тэл. +375176501265.